Saturday, March 31, 2007

Saturday, March 17, 2007


زخات مطر رفيعة و كثيفة , الجو متقلب و متررد, يواجه صعوبة في اتخاذ القرار كما هي السيارة التي انتزعت منها الروح في مرحلة ما لان احد الرفاق نسي ان يطفئها بالكامل لاسباب شخصيه رفض ان يفصح عنها.

عملية البحث عن الروح الضائعة لم تدم طويلا مع انها تخللت العديد من الطرق و المحاولات ولكن في النهاية زبطت معانا و شغلنا السيارة .

الاسبوع الماضي ملابسي الشتوية الحقتها بالمغسلة على اساس ان الاجواء صارت صيف و الملابس الصيفي عبت الخزانة " مش انهم قطعتين و نص " في اخر الاسبوع قررت السماء تغير المزاج و الانتقال من مرحلة الحر الى مرحلة الثلوج و طلعت على راسي طبعا ما في اواعي شتوي كلو بالغسيل !!

مع ان الثلوج تساقطت بشكل رهيب و كنت متحمس للصورة الفنية التي سترتسم على الفحيص و لكن للاسف لم تبدو كما توقعت.

في موقع قريب مين باب البيت على الشارع في الزفتية ببعد متر عن الرصيف جاي على اللفه على جهه دوار الزيتونة صار في حفره !!! قبل اسبوع ما كانت موجوده و اليوم ما لاقيتها !!! ما بعرف بكره راح تكون موجوده ولا لأ !!!

أيتو البسه تاعتي اغلبكم بعرفها مرات بشوفها على باب البيت بتلزق فيي !! و مرات بتشمجر في وجهي انو حل عني مش طايقه حالي انا حاليا .

على كل حال الفكرة انو زي ما احنا مزاجيين , مرات نكدين مرات مبسوطين , احيانا مش عارفين شو بدنا !!

الجو هيك بكون و البسه هيك بتكون و الشارع كمان مرات بكون مش عارف شو بدو .

هلوسات

Wednesday, March 07, 2007

1

حرية الصحافة في الاردن شنقت على يد النواب الاردنيين "على اساس انهم نواب الشعب" بعد ان تمسكوا باعادة عقوبة الحبس في قضايا المطبوعات و الرأي و لم يكتفي المجلس بالعقوية فقط بل باقرار عقوبات مالية الى جنب ذلك وصلت في حدها الادنى الى خمسمئة دينار اردني.

2

اعتصم عمال في شركة زي على ابواب وزارة العمل وذلك لمطالبة الشركة بتسليم رواتبعم كاملة من دون اقتطاع.

وقال العمال المعتصمون ان الشركة تقتطع ما قيمته 35 دينار من رواتبهم البالغة 110 دنانير من دون اي سند قانوني.

3

من جانب اخر وافق الاتحاد العام للمزارعين على تاسيس اول اتحاد نوعي زراعي لمنتجات المرأة الريفية الذي يعني بقضايا المراة المزارعة.

هذه الموافقة تعتبر نصرة للمراة في يوم عيدها الموافق الخميس 8 اذار.

من جانب اخر انا عندي سؤال سخيف و سهل هوه يعني ازا بكرة يوم المراة العالمي يعني باقي الايام هيه يوم الرجل ؟

Thursday, March 01, 2007

3
شهداء في جنين


و من جانب اخر :

اصيب 6 مواطنين بعيارات نارية خلال حضورهم لاحد الاعراس في منطقة الروضة بالشونة الجنوبية.

واكد مصدر طبي ان ثلاثة من المصابين اصابتهم بليغة في الصدر وتم تحويلهم الى مستشفيات السلط وعمان.


Ironic Mazboot ?

Tuesday, February 27, 2007

ليش دايمن الناس بحكو انو مرة الحكيم مش عارف مين حكا هيك هيك !!! مرة الشيخ مش عارف مين حكا هيك , مرة الفيلسوف حكا هيك.

طيب مرات في ناس سفهاء بحكو شغلات مفيدة كمان !

Once a wiZe idiot asked

Can anyone please tell me the secret of the combination of this life?

احد السفهاء مرة تعجب و استفسر :

أغلبك , انتا كيف حال حالك ؟

في احد المواجهات لاحد الاساتذة المعروفين محمد جوابرة الملقب ب ابو عجور :

قال ابو عجور : انا مش قادر .

احد المغفلين رد على الموضوع بكتابة مقال كامل عنوانه جوابرة مش قادر.

رفيق من الرفاق المنشورين على حبل الغسيل قال :

حكوكني ! اي بما معناه حكوكني .

Simegosolins

رفيق اخر اراد ان يوصف نفسه بطريقة مفهومه و مختصرة :

HOPELESS...USELESS... HANDY-CAPPED... ASSHOLE...

PALESTINIAN-JORDANIAN.. ITALIAN :)...

ENGINEER (HOPE SO)..

MEANINGLESS...

ZO2LESS KMAN...

رفيق مفقود منه الامل :

لو انتا نار انا ميه , لو انتا اسوه انا حنيه.

اخر اخبار المجتمع الاردني, انو الحكومة رفضت طلب من النواب بتحويل متابعة الاحزاب الاردنية و مواضيعها البايخة من المتابعة من قبل وزارة الداخلية الى ان تتابعها و زارة التنمية السياسية.

وزارة الداخلية اقرب للحكومة من وزارة التنمية السياسية.

Saturday, February 17, 2007

I love 3mman

صحيح انو الشعب ما بيعرف يقطع الشارع و كل يوم باجي بدي ادعس

و احد

But I love 3mman

صحيح انو عمان مليانه باصات kia الشبح و باصات Coaster

But I love 3mman

صحيح انو الشوارع نظيفة بس مميزة باشي واحد انك لازم تشوف كيس ابيض شفاف يا طير بالهوا يا بسبح بين السيارات

But I love 3mman

صحيح انو في جوره بطريق عمان- السلط دايمن بوقع فيها و انا بالسيارة و بصير اسب على امانة عمان و على اشغال البلقاء بس كمان

I love 3mman

صحيح انو ما بحب شرطة عمان بس كمان

I love 3mman

صحيح انو عمان ما فيها مكان تروح عليه و المحلات بخلصو بسرعة بس كمان

I love 3mman

صحيح انو ما بتعرف و ين فلوسك بتروح بعمان و انتا مش رايح مكان بس كمان

I love 3mman

صحيح انو الشعب الاردني ما بعرف غير الاكل و الدخان و النوم كمان بس

I love 3mman

صحيح انو I hate bannat 3mman بس كمان

I love 3mman

صحيح انكم مش عارفين عن شو انا بحكي كمان بس

I love 3mman

هلوسات بعرف

Tuesday, February 13, 2007

الى جميع رفاقي هذه هي حياتي في الاونة الاخيرة :

جميع ابطالي ماتوا او يعانون من الامراض كما هي حالي انا

تشي جيفارا اعدموه بالرصاص بايدي امبريالية امريكية

صدام حسين اعدموه شنقا بايدي امبريالية امريكية

محمد علي كلاي اصابه المرض لاسباب امبريالية امريكية


اجلس في الغرفة وحيدا كالعادة وصدري هو منفضة السجائر,امامي مقال مشنوق على الحائط عنوانه اكتئاب.

جميع اصدقائي غادرو البلاد.

مشاعري نسيتها معلقة على حبل الغسيل منذ ايام.

مدينة الفحيص فقدت الوانها بسبب مصنع الاسمنت الفرنسي و شارعها الرئيسي اصبح تحويلة.

الارق يلازمني من اسابيع واتناول وجبة و احده في اليوم, معدتي خاوية املئها بالماء و يزورها دخان سجائري كل خمس دقائق.

انا لا احب النكدين ولكني منكد !!!


علاء ابو عريضة

فجر يوم الاثنين يوم من ايام شهر "2"

Friday, February 09, 2007

الشب الزنخ

يا جماعة مشان الله حدا يحكيلي كيف الواحد لازم يتعامل مع الناس !!

ازا كنت محترم بركبوك و بفكروك هبيلية !! و ازا كنت زي الكندرة بسيرو يحكو عنك كندرة !!

والحل ؟!؟!

شو انساوي يعني !! نختصر العالم كلهم !! طيب ما بيزبط !!

عشان هيك انا قررت اعمل شغلة !! بدي اعلق كل مشاعري و ضميري على حبل الغسيل فوق السطح !! و الله ما في غير هيك !

خلص بدي اصير الشب الزنخ !! الشب الكافر الهامل !! ما بدي احكي غير لما يجي على بالي احكي و مع الي جاي في بالي احكي معو !!

ما بدي اسلم غير على الي بحس حالي جد شايفو و الباقي بلنسبة الي راح يكونو شفافين !!

بدي اكون الشب النكد !! زي باقي الشعب ليش همه احسن مني !!

حاولنا نكون محترمين و دايمن مبسوطين الدنيا كلها بزمت في وجوهنا !! و العالم صارو يفكرونا هبايل و صارو يستهبلو و يستعبطو !!

و يلاه سلام

علاء ابو عريضة الزنخ !!

Friday, February 02, 2007

تجارة و حياة الله

يا جماعة في صبية معنا بالجامعة قررت انها تحول التخصص الدراسي ولكن في نفس الكلية مش لكلية تانية .........حلو الكلام لهون ؟ حلو

هلأ التخصص الي حبت انها تحول عليه سعر ساعته اغلى من ساعة التخصص ألي هيه بتدرسه

يعني هيه حالين بتدفع على فرض 70 دينار و التخصص الي بدها تحول عليه سعر الساعة فيه 80

"حاس حالي بحكي عن بيعة بطاطا سعر و ما سعر !!! "

الجامعة الكريمة جامعة العلوم التطبيقية حكولها انو تمام بدك تحولي التخصص حولي و لكن لازم تدفعي فرق الساعات حسب التسعيرة الجديدة !!!!

يعني بشرفكم ما صارت الشغلة تجارة ! و الله الراسمالية غير تاكل العالم اكل و الله غير تدبحهم !!

خليكم قلنالكم فترة من الفترات انو يا جماعة الله يهديكم في عندكم اختيار اخر و لكن.........

ما علينا ,بس بما انو فتحنا موضوع الساعات و الاسعار في موضوع انا كنت حابب افتحو من زمان

انو يا معلم لنفرض انو انا طالب هندسة و بدفع حق ساعتي 90 دينار على فرض و طالب اخر بدرس ادارة و العب بالحارة زي روجر و بدفع حق الساعة 60 .

وهيك يوم من الايام قررنا انا و روجر انو انزل مع بعض مادة حرة و على فرض كانت المادة الحرة هاي في كلية الحقوق و اسمها حقوق انسان .

رحنا على التسجيل بدنا انسجل , الموضوع الحقير بكون هون في هاي المرحلة

روجر سعر ساعته 60 يعني بدفع للمادة الحرة هاي 60*3=180 دينار ,بينما انا سهر سعتي 90 يعني راح ادفع 90*3=270 دينار !! يعني الفرق كتير مع انها نفس المادة حقوق انسان !!

طيب ليش ما ندفع بنفس سعر الساعة لكلية الحقوق !! الي على فرض بتكون 40 دينار !!

او ليش ما في سعر موحد للمواد الحرة !!

و الحكي الكتبته فوق مش بس على المواد الحرة كمان على المواد الاختيارية و الاجبارية العربي و ما عربي !!

يعني مادة العربي كل الطلاب في الجامعات الاردنية ملزمين فيها ليش طالب الطب بدفع 140 دينار حق ساعتها و طالب الرياضة بدفع حق ساعتها 20 دينار !!! يلعن ***** منييح هيك !!!

انتو هلا احسبوها زي ما بدكم !!

علاء ابوعريضة الكافر !!

Wednesday, January 31, 2007

في مفابلة لجريدة الراي مع مدير عام ضريبة المبيعات و الدخل قال المدير الكلام التالي :

وعلى سبيل المثال اذا كان سعر كيلو البندورة مثلا دينار هل ستؤثر اربعة قروش كضريبة على المواطن؟!

مش علرف !! راح تؤثر ولا لأ !!

في مفابلة لجريدة الراي مع مدير عام ضريبة المبيعات و الدخل قال المدير الكلام التالي :

معظم دول العالم لديها سقف اعلى للضريبة العامة وهي 21%.

يعني الضريبة عنا منخفضة ..........لازم يرفعوها عشان نتطور و نصير زي باقي الدول !!

في مفابلة لجريدة الراي مع مدير عام ضريبة المبيعات و الدخل قال المدير الكلام التالي:

اعتقد ان الضريبة المؤخرة تعادل الضريبة الاضافية بفرض دينار تقريبا على كل فاتورة خلوي شهريا وهذه لم تكن مطبقة في السابق ، وحاليا تدرس من قبل وزارة المالية آلية استيفائها ومعالجة السنوات السابقة التي لم تطبق خلالها.

يعني مش بس عن السنين ألي راح تعيشها و لكن ايضا عن السنين الي عشتها .

في مفابلة لجريدة الراي مع مدير عام ضريبة المبيعات و الدخل قال المدير الكلام التالي:

فيما يتعلق بموضوع المأكولات الشعبية، هنالك خلط ، ونريد تحديد المأكولات الشعبية ، وقد خاطبنا جمعية اصحاب المطاعم بان كافة المأكولات غير السياحية التي تقدم في المطاعم ليست مأكولات شعبية، والمطاعم غير المصنفة سياحية يمكن ان تقدم وجبات عديدة لا نقدرها ماكولات شعبية، فعلي الجمعية ان تحدد المأكولات الشعبية المقصودة وتزودنا بقائمة بها حتى نقوم بدراستها.

الفلافل و المنسف معفي من الضريبة كثر الله خيرهم.

Sunday, January 28, 2007

بعرف بعرف زمان ما كتبت اشي ......

الوضع زي ما هوه

الحكومة بعدها بتجوع بالشعب و الشعب زي الشوالات قاعدين

اخر الاخبار انو ما في رفع لاسعار المحروقات بي شهر اربعة و الخبر الجديد التاني انو الحكومة اضافت ضربية على الموبايل سموها ضريبة الجامعات كيف يعني الضريبة هاي راح تكون.......انا بقلكم

كل واحد بحمل هانف جوال في المملكة ملزم بدفع هذه الضريبة "ضريبة الجامعات" التي سوف يكون مقدارها دينار واحد فقط لا غير و هذه الضريبة مستحقة سنويا.

ممتاز طيب هوه الشعب ملحق يدفع اقساط جامعات لا ولاده عشان الجكومة تصير تاخد غيرها كمان !!

طيب انا على فرض انو ما عندي ولاد في الجامعات شو جابرني ادفع ضريبة جامعات!!

واحد معتر ما معو يدفع و الموبايل مهم بالنسبة الو كمان شو جابرة يدفع الضريبة هاي !!

انتو عارفين الوضع كيف و اعتقد انو ما في داعي افسر اكتر من هيك .

في كمان تعليقات بس الوضع مكركب شوي برجعلكم بعدين في كلام على جامعة العلوم التطبيقية !!

Saturday, December 30, 2006

سلامي يا اسد بابل

سلامي الى شهيد القومية شهيد العراق شهيد فلسطين

سلامي يا عباس العروبة

عشت عزيزا ومت كلاشجار وقوفا

ابيت ان تداس كرامتنا ببساطير المرينز و لكن خنازير العرب ادخلتهم العرين

ستبقى الاسود اسود و الكلاب كلاب


Saturday, December 23, 2006

الباقورة المستعادة


كتابة وتصوير مفلح العدوان - «تذكر أنك في أرض معركة حطين».. هذا أول الدهشة، وتلك بدايات المعرفة بما خفي من التاريخ في الباقورة، حين يأتيها المشتاق محاولا
سبر غور هذه الأرض التي غابت عنا، محتلة مدة خمسة وأربعين عاما.. إنها الباقورة.. هي الآن «مشتاقة تهفو إلى مشتاق»، وتريد أن تبوح بكل ما لديها، ماضيا وحاضرا، كي تعرف الأجيال أنها كانت في كل مراحل تاريخها أرضا دائمة للحشد، وللمعارك!!
هذه أولى العبارات التي تلاحق المتبارك بأرض الباقورة، وهو يشاهدها في كل المعالم هناك لأنها تاريخ مشرب بمياه النهرين المتجدد في نقطة الالتقاء بين اليرموك والأردن، حيث واحة برهان الوصل، وبؤرة مثلث التقاء الأشقاء من الأردن وفلسطين وسوريا:هناك على مرمى التفاتة هي الجولان، وفي الزاوية الأخرى طبريا، وهنا الباقورة.
تذكر، أيها القادم إلى ملتقى النهرين، أن كل إطلالة في هذا المكان تحمل في تفاصيلها فيضا من تاريخ معتق بالدم، ولهاثا من عرق الصامدين فيها، وهي إذ تستقبلك
بجنانها الخضراء، وبزهورها العابقة بالمحبة، هي أيضا تنثر أمامك صفحات كتابها الذي لا بد من أن تعيد قراءته فوق ثرى الباقورة، وتتبع تفاصيل سطوره منذ تلك الدروب القديمة، وحتى استعادة الأرض في منتصف التسعينات من القرن الماضي، بعد أن احتلتها إسرائيل عام 1950




الباقورة المستعادة !!
السياج المبين في الصورة هوه الحدود !
انا بعيد عن السياج 200 متر و الفاصل الوحيد هوه نهر اليرموك !
طبعا المنطقة من احلى المناطق الى شفتها في الاردن .
الصورة القادمة صورتها من منطقة مرتفعة شوي و المفترض انه ممنوع التصوير ولكن لا حول ولا .
اول ما صورت الدورية العسكرية صفت ,فقعت البريك واشرلي و قلي تعال
هويتك .
طلعت الهويه .
كنت بتصور
ااه كنت بصور
اشوف شو صورت
شاف الصورة و قلي امحيها
بقله هوه ممنوع يعني
نعم ممنوع
ليش ممنوع !!
ضحك و قلي لانها طبريا
قلتلو هلا بمحيها و رجعت على السيارة انا و ابن عمي

الصورة الجاي من منطقة اعلى
بحيرة طبريا مبنة و المدبنة خيالها مبين باللون الابيض ركز شوي راح تلاقيها !




Thursday, December 21, 2006

نظام التأديب في الجامعة الأردنية (لا العقوبات؟)

يعني بصراحة ,الحكومة و ادارة الجامعات مش عارف شو بدها منا !!! هلاكونا جننونا خنقونا !!

مرة بقلك انو التنمية السياسية و الفكرية للشباب و الطلاب هي جزء مهم في تنمية المجتمع و الجامعة تلعب دورا اساسيا في هذه التنمية , ولكن من جهه اخرى تبدء الجامعة في اصدار القوانين الكفيلة في قمع الطالب و ايقافه من ممارسة النشاط السياسي و الفكري .

مجموعة من النقاط لخصها الكاتب ياسر أبوهلالة من جريدة الغد .

أحداث اليرموك بين السياسة والعشائرية

21/12/2006


كانت أحداث جامعة اليرموك منتصف الثمانينات علامة فارقة في تاريخ الحركة الطلابية الأردنية. فالحراك الذي انتهى بصورة مأساوية بفعل العقلية العرفية التي كانت سائدة آنذاك عبر عن نضج سياسي غير مسبوق. التيارات السياسية إسلامية وماركسية وما بينهما التقت على قضايا مطلبية عادلة للطلاب. تحققت وبتضحيات فادحة نتيجة العقلية العرفية، التي دانتها لجنة التحقيق المستقلة التي شكلها الملك الراحل رحمه الله.

لم أشهد الأحداث يومها مباشرة ودخلت الجامعة في الفصل التالي لها. كنا نتابعها عن طريق جارنا طالب الهندسة محمد حياصات رحمه الله، وكان من قيادات الإخوان المسلمين في الجامعة، اعتقل على خلفية الأحداث، وكانت المرة الأولى التي يعتقل فيها أخ مسلم، وكانت السجون بالنسبة للثقافة الإخوانية مجرد أدبيات على الورق، الصدمة لم تكن في اعتقال عدد من قيادات الإخوان الطلابية، بل كانت في اللغة الجديدة غير المستخدمة. صار ثمة تحالفات مع الحزب الشيوعي والكادر اللينيني والجبهة الشعبية واولئك كانوا مجرد كفار نجاهد أشباههم في أفغانستان!

أحداث اليرموك ذكرتني بها أربعة أمور، الأول نظام العقوبات الذي أصدرته الجامعة الأردنية ولم يقره مجلس الوزراء بعد، والثاني إصدار عقوبات بحق طلاب في جامعة العلوم والتكنولوجيا لأنهم وزعوا منشورات! والثالث القيادي الشيوعي يعقوب زيادين الذي وثقها في مذكراته، والرابع أحداث العنف العشائرية التي شهدتها الجامعة واستدعت تدخل رجال الأمن.

بعد عقدين من الواضح أننا نسير إلى الخلف در. فقوات الأمن التي تدخلت في حينه لقمع أرقى أشكال الحراك السياسي تتدخل اليوم، وكأنها قوات حرس الحدود التي شكلها جلوب باشا عند تأسيس الإمارة لفض الغزوات العشائرية. هذا الرجوع إلى الخلف لم يكن لأسباب جينية، كان ثمرة منهجية صارمة دمرت الحياة السياسة في الجامعات بقدر ما نمّت الغرائز والنوازع البدائية والعشائرية.

يحدثونك عن التنمية السياسية وتقرأ في نظام التأديب في الجامعة الأردنية (لا العقوبات؟) الآتي من المخالفات:

"المشاركة في أي تنظيم داخل الجامعة من غير ترخيص مسبق من الجهات المختصة في الجامعة، أو الاشتراك في أي نشاط جماعي يخل بالقواعد التنظيمية النافذة في الجامعة أو التحريض عليها"، وفي الفقرة ح " توزيع النشرات أو إصدار جرائد حائط بالكليات أو جمع التواقيع أو التبرعات التي من شأنها الإخلال بالأمن والنظام الجامعي أو الإساءة للوحدة الوطنية"، والمادة ط " الإخلال بالنظام أو الانضباط الذي تقتضيه المحاضرات أو الندوات أو الأنشطة التي تقام داخل الجامعة".

طبعا هذا النظام يقصر التجمعات والنشاطات الطلابية على الاحتفال بيوم الشجرة، وعيد الاستقلال (والمناسبات الواردة في العطل الرسمية)، ولا ينتج غير الجيل الذي شهدناه في أحداث اليرموك قبل أسبوعين، لا التي حصلت قبل عقدين. نظام ينتمي إلى قوة حرس الحدود في غضون تشكل الإمارة، قبل أن يكون ثمة دستور وحقوق دستورية للمواطنين.

السياسة تبدأ في الجامعة، وفي الجفر الذي أغلق دخله طلاب في الثانوية ولم يصلوا الجامعة، وكانوا قيادات سياسية.

باختصار نحن بحاجة إلى الجفر بالمعنى القديم مدرسة للتأهيل السياسي أكثر من حاجتنا لجامعات مرعوبة من طالب يوزع منشورا ويكتب في مجلة حائط.

ياسر أبوهلالة

Sunday, December 17, 2006

العنف بالجامعات الأردنية واتهامات للحكومة بفشل إدارتها




شهدت ساحات الجامعات الأردنية مؤخرا موجات من العنف الطلابي على خلفيات متعددة، كان الجامع بينها تزايد نزعات التعصب العشائري والإقليمي، وسط غياب لحالات التنافس على أساس المواقف من القضايا السياسية المختلفة.
ورغم محاولات مسؤولين رسميين التقليل من حجم هذه الظاهرة، فإن ما حدث في أسبوع واحد من عنف بثلاث جامعات رسمية دق ناقوس الخطر, ما دعا مراقبين ومهتمين لمطالبة الحكومة بإعلان فشلها في إدارة الحياة الجامعية.

مليشيات طلابية
في السياق رأى الكاتب الصحفي مدير التحرير في صحيفة العرب اليوم فهد الخيطان للجزيرة نت أن كل ما يحدث في الجامعات من عنف يعبر عن سياسة واحدة وهي تفريغ الجامعات من العمل السياسي والوطني لصالح أشياء أخرى انتهت إلى فراغ في الحالة الطلابية ترجمت بعنف ومشاجرات وظهور "مليشيات طلابية" تحت عناوين عشائرية وإقليمية.
واتهم الخيطان السلطات الرسمية بأنها قامت باستبدال صراعات طائفية عنيفة وثقافة متعصبة للجهوية والإقليمية من الحياة الطلابية الحقيقية والقائمة على التنافس السياسي، لافتا إلى أن الحكومات ومنذ عقدين شجعت التعصب للعشيرة لمواجهة المد القومي واليساري ثم الإسلامي في الجامعات، مضيفا أن الحكومات وأجهزتها عملت على تدمير الجامعات في سياق حربها لتدمير الإسلاميين"، على حد قوله.

المصدر: الجزيرة

Tuesday, December 12, 2006

رسوم التسجيل في جامعتنا صارت 350 دينار !!!!!

الشعب ما معو ياكل !!

طبعا مجلس الطلبة التافه قاعد !!

ممتاز

Tuesday, December 05, 2006

يا جماعة الخير اسكتو عرفت مين اجا بل الاول البيضة و لا الجاجة !!

اقلكو كيف ........

حالين انفلونزا الطيور عامله حرب على العالم مما ادى ذلك الى انخفاض اسعار الدجاج !! بصفتها طير بس ما بيطير!

ولكن الحكومة الاردنية استات من الموضوع كيف صار في عنا بالبلد اشي رخيص !! لا يا عمي ما بيزبط معانا ......لاقولنا حل للمشكلة !!

واله الشباب اجتمعو و بلاشو يتناقشو و يفكروا في الموضوع !!

واحد من الشباب الحدقة لاقاها !!

قالهم يا عمي احنا عنا رخص الجاج مزبوط ؟

الكل هز راسو : مزببوووط

طيب الجاجة شو بتجيب ؟

الكل اطلع في بعضو مش فاهم شو السلافة !!

قلهم و لكم الجاجة بتبيض و الشعب بياكل بيض !! ليش ما نغلي البيض !؟!؟!؟!؟!؟!؟!؟!

واله عجبهم الموضوع !! و ليش لأ !! مش غلط ارفعولنا اسعار البيض !!

------------------------------------------------------------------------------------------

يا جماعة اذا بتحسبوها بتلاقو انو الجاجة اجت اول عشان تبيض

و لذلك اذا رفعنا اسعار الججاج المصاب بانفلوزنا الطيور ما بنستفيد

فا احنا بنرفع اسعار البيض عشان الحكومة تغنا والشعب يصير فقير !!

و اخيرا اذا رفعنا اسعار البيض سيرخص الشعب !! ..........اذا الشعب هو مثل الدجاج !!! و الشعب يبيض !!

انا لا اطالب بثورة لينينية !! انا اطالب باعتراف من الشعب بانه مدعوس عليه !!

واول الغيث قطرة ............

Ala'a Abu Arida

Wednesday, November 08, 2006

الإسلام هو الحل

الاستفتاء هو الحل

مساكين نحن الفلسطينيين، علقنا في العام 2006 الذي ي يشارف على قذفنا إلى أخيه العام 2007 دون إن ندري ماذا نفعل، فلا شعار الإسلام هو الحل نفع ولا شعار الاستفتاء هو الحل أفاد.

منذ خمسة اشهر على ألازمة الراهنة تهنا في ملابسنا، ضعنا بين 18 بندا في وثيقة الأسرى، وعشرة نقاط في أكثر من اتفاق بين فتح وحماس، وثمانية بنود في عباءة وزير الخارجية القطري، وأربعة في جاكيت الرئيس محمود عباس الكحلي، وستة بنود حاولت مصر أن تصالحنا بها، ولا حياة لمن تنادي.

المجتمع الدولي طرح علينا منذ البداية ثلاثة شروط، وذهبنا نحن في متاهة كبيرة من أخماس البنود وأسداس النقاط لفك أزمة الرجل المريض الذي لم يعد قادرا على فك أزرار قميصه.

وبالتشخيص نجد أن حركة حماس رغم علاتها، حركة فلسطينية بريئة وطهروية إلى حد المرض، وان ثباتها على مسلمات وضعتها لنفسها يبدوا كسذاجة واردة في تجربة الفصيل الغض الذي تسرع في ركوب عجلة سلطة بحاجة إلى مليار وستمائة مليون دولار كموازنة سنوية. واكثر من ذلك فقد تاهت حماس في المفردات والمصطلحات ومعانيها فهي لا تقبل بمفردات وتعابير الاخرين السياسية بل تصر على اجتراح اسماء وافعال جديدة فلا تريد حكومة تفاوض وتقاتل كما كان يفعلها الرئيس الراحل ياسر عرفات، بل تريد " حكومة مقاومة" وحماس في احد الجوانب تتمسك بحق المقاومة بناء على الشرعية الدولية ولكنها ترفض قرارات الشرعية الدولية الخاصة بالقضية الفلسطينية من جانب آخر، ترفض نهج التسوية السياسية وتحرم المفاوضات مع إسرائيل وتغادر لغة المؤتمرات وترفض الحلول المرحلية وبالمقابل تقترح هدنة عشر سنوات أو خمسين تتعهد خلالها بوقف أعمال المقاومة، " طيب وبعدين"... لسان حال المراقبين يقول بالفصحى ليلائم لغة حماس " تحيرت يا قرعة من أين نبوسك"، أين تأخذينا يا حماس؟.

وفي الضفة الأخرى، تهرش منظمة التحرير إطرافها باحثة عن مخرج من تناقض لطالما اعتزت به وكان نهج عملها الثوري والسياسي والاجتماعي والثقافي، ففتح مثلا تقوم على أساس الشيء ونقيضه وهذا جائز فلسفيا ولكن هنا في جحيم الاشتعال مع إسرائيل وأميركا لم يعد مسموحا أن إن تشجب التفجيرات والعمليات الاستشهادية وفي نفس اللحظة، تعسكر وتجيش الانتفاضة وتدعم مجموعات المقاومة والأوروبيون والاميركيون اكتشفوا ذلك مبكرا ولم تعد نظرية فتح الغلابة التي جرت على اسرئيل التفجيرات القتلى تعنيهم. وتاليا يرفض العالم منظمة التحرير بفوضى أفكارها المنظمة وفساد تقنياتها التي لا يحتملها سوى الشعراء ومجانين الحب وكبار القياصرة والأمراء.

إذن ماذا نفعل ؟ أين نذهب في هذا العام القاحل. أفلسنا يا شباب، لم تعد البارودة حلا نهائيا، ولم تعد ربطة العنق والمفاوضات مخرجا، نشطب إجابتي ونسأل صديق يعيش إما في طهران وسوريا وإما في القاهرة وعمان، والصديقان منشغلان احدهما يبني ترسانة نووية والاخر ترسانة سياسية.

المعادلة: ( تناقض فتح أنتج سلطة) ( صمود حماس أنتج مقاومة)

( حماس معارضة على رأس السلطة) ( فتح سلطة في قلب المعارضة)

الحل : الانتخابات

الأستاذ: الدستور لا يسمح

التلاميذ: الدستور ليس مقدسا يا أستاذ.


Saleh masharqa

Tuesday, October 31, 2006


Aziz Maraka - a talented musician from jordan







the last time i saw aziz was before he went to the US , last night i was checking some websites and i found a song for Aziz maraka so i thought that i should post it here the song is named The story ( el gosa ) bel 3arabi.

the song lyrics written by Aziz Maraka and tal7een Aziz Maraka.

anyway u can download it through this link, Enjoy !!
The story
click the download button at the buttom of the link.


Friday, October 27, 2006

منع من النشر في صحيفة أردنية للكاتب: محمد طمليه

."الشتاء الحار"
جاء الشتاء وصار يتوجب أن تفي "حكومة البخيت" بوعدها وتسدد ما في ذمتها من ماء لإسرائيل: نتذكر أن هذه الحكومة استدانت الصيف الفائت حوالي 20 مليون متر مكعب ماء من إسرائيل, وكان شرط الدين هو السداد في الشتاء الذي دخلنا فيه...

وتقديري أن الحكومة قدمت رهونات من باب الضمان, وربما كفلاء: نحن لا نعرف: نحن لا نعرف ملابسات الصفقة. ولكننا ندرك أن الحكومة راهنت على "الموسم" لسداد الدين, وهذا رهان ساذج,فقد لا يهطل مطر أبدا.
مثلما راهنت على نجاح المباحثات بينها وبين سورية, وجلب الماء المتفق عليه في وقت سابق بين الطرفين. وهذا رهان أكثر سذاجة, فللسوريين اعتبارات...
ثم ان المباحثات فشلت في عمان...!

ما الذي يمكن أن تفعله الحكومة في ضوء ذلك؟

قد يشهد الأردن "صلوات استسقاء" رسمية عديدة على أمل أن يتوفر الماء/الدين. مع ما يرافق ذلك من محاولات تقوم بها الحكومة لإقناع إسرائيل بقبول "جدولة الدين" وحساب الفوائد المترتبة على ذلك, مما يعني المزيد من الارتهان
----------------------------------------------------------------------------

يا محمد يا طملية و الله انك سادق !!