زخات مطر رفيعة و كثيفة , الجو متقلب و متررد, يواجه صعوبة في اتخاذ القرار كما هي السيارة التي انتزعت منها الروح في مرحلة ما لان احد الرفاق نسي ان يطفئها بالكامل لاسباب شخصيه رفض ان يفصح عنها.
عملية البحث عن الروح الضائعة لم تدم طويلا مع انها تخللت العديد من الطرق و المحاولات ولكن في النهاية زبطت معانا و شغلنا السيارة .
الاسبوع الماضي ملابسي الشتوية الحقتها بالمغسلة على اساس ان الاجواء صارت صيف و الملابس الصيفي عبت الخزانة " مش انهم قطعتين و نص " في اخر الاسبوع قررت السماء تغير المزاج و الانتقال من مرحلة الحر الى مرحلة الثلوج و طلعت على راسي طبعا ما في اواعي شتوي كلو بالغسيل !!
مع ان الثلوج تساقطت بشكل رهيب و كنت متحمس للصورة الفنية التي سترتسم على الفحيص و لكن للاسف لم تبدو كما توقعت.
في موقع قريب مين باب البيت على الشارع في الزفتية ببعد متر عن الرصيف جاي على اللفه على جهه دوار الزيتونة صار في حفره !!! قبل اسبوع ما كانت موجوده و اليوم ما لاقيتها !!! ما بعرف بكره راح تكون موجوده ولا لأ !!!
أيتو البسه تاعتي اغلبكم بعرفها مرات بشوفها على باب البيت بتلزق فيي !! و مرات بتشمجر في وجهي انو حل عني مش طايقه حالي انا حاليا .
على كل حال الفكرة انو زي ما احنا مزاجيين , مرات نكدين مرات مبسوطين , احيانا مش عارفين شو بدنا !!
الجو هيك بكون و البسه هيك بتكون و الشارع كمان مرات بكون مش عارف شو بدو .
هلوسات
4 comments:
i think its the human nature.. we feel upset in some situations.. if we just think about it, we'll figure out that its better this way.. but its sth we can't do anything about it. we r humans..
then it will all fade away with time.. maybe an hour if everybody were lucky 2 have a friend like u.. & maybe it will take a week.. but after all.. u'll say hard luck ;)
ya tell me about moods.
I'm one of the guys who get "sudden mood changes" for no clear reason, and I can't help it!
So the weather, cat and street fall in the same category with me!
the problem guys ino that we can change it whenever we would like to , bas marat el wa7ad needs ino ynakid shway or ino to change his mood ,i think thats healthy sometimes LOL
We look like weather or weather looks like us? who knows!
Post a Comment