هدوء في الاجواء مرة وحدة


يعني الصحيح انو شباب الاردن نهفات.......... في شغلة دايمن بتصير اكيد الكل بتبعلها و الكل بطنشها

الموضوع موجه للشباب الهبايل و الصبايا خليني انورهم بي اكمن شغلة.

اذا كنت شب و كنت و اقف مع اصحابك و عددكم 3 او اكثر لاحظ و لاحظ و ثم لاحظ مرة اخرى

انو اذا مرقت بنت حلوة من قدامكم الكل بسكت مرة وحدة و اذا كنتو بتحكو بموضوع بنتهي و لو انو بكون عن الدوري الاسباني او عن بنت حلوة اخرى .

يعني ليش انا مش فاهم!! ماشي....... يعني تمام مفهوم انو البنت حلوة بس ليش تفرجيها انك اهبل و كانو مرق من قدامك اله الجمال !! عادي كمل موضوعك و احكي فيي و بنفس الوقت شيك على الصبية اضحك بوجهها مش لازم تزبطها بلحظتها طول بالك شوي!!

لأ الكل بسكت كانو كل واحد انقتلو قتيل و الكل بكشر و بفقع بوز طولو شبر و نص !!

بعدين يا اخي و الله بتزعل انو اكون انا وياك بنحكي في موضوع و مرة و حدة ما ألاقي ألا تركيزك في محل تاني يعني يا بتقلي شيك على الصبية يا بتقلي شوي بس خليني اشوف هل موضوع , بس انو هيك مرة وحدة الاقي تركيزك في مكان اخر !! و الله عاطلة !!

هلا ...... ازا كنتي صبية و مرقتي من قدام شلت شباب و حستي فجاة بهدوء في الاجواء مرة وحدة , معناها يا انو انتي عندك طرش و لازم تروحي على الدكتور او انك لابسة لبسة تحشيش و مش معقولة و الشباب مستحين يضحكو فكاتمين نفسهم , او انك كتير معطوبة لدرجة الغثيان او انك كتير شقفه و كل بنت ادرى بحالها .

هلا اذا مرقتي من قدم الشباب و الكل استمر بموضوعو و باشغالة بصير هيك في احتمالات اخرى يا بتكوني صاحبيت او حصة و احد من الشباب يا انو انتي بنت عادية و هدا النوع من البنات انا بشجع عليه في المجتمع الاردني لانو غير هيك بنضيع و بننخرس و بتنخرب بيوتنا.