بصراحة انا مش فاهم شغلة !!
الشباب و الصبايا في الاردن بصاحبو عشان يحكو مع بعض تلفونات بس ؟
بصحة الصبح بحكي مع صاحبتو !
"الو مرحبا حبيبتي انا صحيت بدك اشي مني ؟"
بعرض اختك !!!! يعني شو بدها منك على الصبح ؟ يمكن كانت نايمه و بتحلم بواحد تاني نفسها فيي !! صحيح انك نكد
بلاش ......
"الو مرحبا حبيبي فئت من النوم يلا ءوم عليك محاضرة "

يعني صحيح انك نكدة ماهو مبارح كان سهران مع الشباب بلعب شدة و ناوي انو يطنش الدوام , و المصيبة بتضل وراة عبيل ما تتاكد انو راح داوم .
ما علينا طيب فهموني شو بتقوعدو تحكوا بالاربع ساعات و الخمس ساعات !! يعني خلينا نحكي لوينكم جديد تعرفتوا على بعض ماشي مش مشكلة ليسه بفترت تعارف !!
بس يا زلمة صارلك سنة معها و كل يوم بتحكي معها اربع ساعات على الموبايل يخرب بيتك شو الموضيع الي بتحكو فيها !!

يعني لازم المواضيع هيك تكون خلصت !!
يعني بتحكو باي صالة بدكم تعملو العرس و كم واحد بدكم تخلفو ؟ ويلا شو مش فاهم !!
بعدين يا جماعة انتو بتصاحبو عشان تعبو الموبايل بس !!

الواحد بصاحب عشان يشوف صاحبيتو و يقعد معها ّّ, يطلع معها يسهر معها مش عشان يحكي تلفونات !!

بكون قاعد مع الشباب و بسولفو و الوضع مولع و مرة وحدة برن الموبايل بيروح بحمل حالو و بسلخلك زاوية و بقعد يحكي !!
المصيبة مش هون المصبية انو بيخلي الكل بخرس و بيطفي التلفزيون و بيوقف لعب الشدة و بيطفي الميوزك و ازا بدك منو اشي للقاعد بحكي بتصير تحكي ماعو و كانو في قدامك لوح او حمار او حيط " نقولكم وحدة"
و بعديها بجي بقلكم" اسف يا اخوان معلش بتعرفو المدام حكت معي !! "
و لك يلعن عينك و عين المدام !! صحيح انكم نكدين

ولا ازا كنت انتا و الشب طالعين محل , عادي بتركك و بيروح ساعة و هوه بحكي تلفون مع الحبيبة !! و بيجي بحكيلك معلش بس المدام منكدة شوي !!
يا زلمة ما انتا نكدت على عيشتشي و انا قاعد هون لاحالي !!

بخلص راتب شهر كامل و هوه بس بعبي الموبايل , بترك الدخان بيصير يعبي بنزين عادي و ينصب على اهله بس عشان يعبي اخت هل موبايل !!

طبعا هاي من ناحية الشباب انا ما بعرف عنكم الصبايا !! بس اكيد انكم مبسوطين على الوضع هيك , انو طول ما هو معك على التلفون معناتو ما بحكي مع بنت غيرك !!